1001 MaLaM

Sojak pasarayo dokek dongan umah ese dah ado wayang.
Ese tengok parking tak ponah longang.
Kalu jalan kaki, tak sampai setongah jam dari umah ese.
Kalu naik kereto, dalam 5 minit dah sampai.

Pawagam MBO yang baru bukak.
Nak kato koman tak lah jugak.
Ado la dalam 5 panggung yang ado.
Kerusi pun boleh tahan la jugak. Luas.
Cumo tak banyak seat la yang ado.
Tapi layarnyo bulih tahan bosar.
Yang tak tahan, aircondnyo sojuk tak ingat aih.

Sojak di bukak awal Julai itu hari.
Ese dah duo kali dah poie nonton wayang dokek situ.
Sekali tengok cerito Ice Age 3.
Dan latest poie nengok cerito Harry Potter.
Dan untuk keduo-duo wayang tu.
Rumusannyo.

Menyosal tak bawak selimut.
Sojuk nak mampos.