1001 MaLaM

Pagi-pagi.
Ese kono terjah jugak kesano.
Ondak tak ondak, kono rodah juo.

Ese taktau jalan.
Yang ese tahu, Nusajaya dokek area Gelang Patah.
Ikut jalan pintas la kononnyo.
Sampai dokek Gelang Patah.
Sepatah haram sign-board pun takdo.
Ese dah buat tawaf kat situ.

Ese cubo laie jalan lain plak.
Lalu kot lobohrayo.
Sekali tengok macam dah boto yo jalan ni.
Dokek tongah-tongah loboh rayo tu.
Ado fly-over. Atas tu jalan Second Link.
Highway nak ke Singapore.
Dokek situ baru ado satu sign-board bosar.
Tulis "Bandar Nusajaya".

Sampai dokek ujung.
Dah masuk area Nusajaya.
Tapi kawasan lapang tanah gersang.
Pun masih belum nampak apo-apo bangunan kerajaan.
Malah masih belum ado apo-apo sign-board.
Jenuh boto ini macam.

Ese rodah laie.
Jalan pun banyak tutup pakai kon merah.
Dah duo kali round-about ese rodah.
Akhirnyo baru nampak bangunan tak berapo nak siap.
Masih kontraktor dok buek kojo.
Nampak bosar dan menarik jugak.
Ado kubah laie.

Alamak. Banyak pulak tutupnyo.
Nak parking dokek mano.
Tawaf punyo tawaf.
Sekali tengok ado beberapo keto parking kek atas jalan.
Di kawasan dataran luas.
Ese parking jugak lah situ.

Bilo menjongah masuk bangunan yang masih berserabut.
Ese tengok ramai laie kontraktor.
Ado yang dok godek sano sini.
Ado tukang pasang karpet dongan bau gam memeningkan kepalo ese.
Ado yang pasang staging manjang repair bumbung.

Dalam hati.
"Apokobondo la gomen Johor ni. Bangunan dan jalan bolom siap sepenuhnyo laie. Dah nak kerah kakitangan pindah masuk ke Nusajaya ni. Yang susahnyo sapo?"