1001 MaLaM

" Apo Nak Di Kato"

 

>ulang;

Poi pokan, naik basika...

Tongah haghi, tongah paneh...

Apo dayo, motong gotah...

Apo nak dikato....

Kalau boleh nak jadi cikgu sekolah,

Kek Kolo Pilah....

 

Sawah leba, kobau banyak...

Air pigi, sojuk sekali...

Sunyi sopi, takdo oghang...

Apo nak dikato...

Kalau boleh nak bising-bising,

Macam pokan Tampin...

 

Tanak nasik, bogheh kampong...

Masak lomak, cili (lado) api...

Mesen padi.. takdo lai...

Apo nak dikato...

Ramai oghang, dah kojo kilang...

Kek pokan Seghomban....

 

Chorus:

Batu Ompek, Toluk Komang...

Tompek oghang, mandi mando...

Aghi minggu, ponoh sosak...

Apo nak dikato...

Air laut bertambah masin,

Kek pokan Port Dickson...

ulang;>

 

 

 

Burink.. buhsan.. tonsan.. poning.. ngantok.. sakit idung.. sakit tokak.. sakit mato.. sakit pinggang.. sakit dado.. sakit tonek.. sakit lutut.. sakit tapak kaki.. sakit bibir.. sakit tinge.. sakit kelenjar pituatari.. sakit pankreas. Sumer nak sakit tuh datang serontak.. dan yg paling sakit adolah sakit ati.. Apo laie nak dikato.. bilo sakit ati takdo ubek nak tolan.. mintak dongan doctor pun silap ari bulan dapek surat soh poie check dokek klinik mental... tidok bulih jadik nih.. eden kono jugak ciptokan ubek utk ati eden nih.. kalu tidak parah dibueknyo.. sapo laie yang bulih ubekkan ati eden kalu bukan eden sendiri? ye dak? Kalu ati tuh robek ker.. eden jahitkan.. kalu hancur.. eden cantumkan kembali.. takdo hati, Mati!!

 

Bukan eden nakkan lain dari yang lain.. eden hanyo nakkan sedikit pengertian.. pengertian dalam erti kato yang sebona.. bukan hanyo sekadar "melopaihkan batuk di tanggo".. lalu meludah kahak di bawah tanggo.. kalu ado orang dokek bawah tanggo.. tidakkah ionyo tekono kepalo orang itu.. kan sudah membawo malang kepado orang yang tidak bersalah itu.. Dio hanyo berado di bawah tanggo utk membuang sampah sarap yang ado di situ.. Jadik salahkah dio berado di situ? Salah ko??

 

Kat K.L, Jln Sungai Buloh-Kepong.. ujan lobat hinggo terjadi banjir kilat.. walaupun time ujan tuh takdo pun kilat yang memancar.. ontah dari mano dapeknyo ayat 'banjir kilat'. Hanyo kerano nak menyatokan banjir itu datang dongan copeknyo..sekolip mato ajo, mako ia dikaitkan dongan kilat.. kenapo tidak di katokan 'banjir cahaya'.. ataupun 'banjir sekelip mato'... hahaha.. kan lagik copek dari kilat.. apo laie dapat menandingi kelajuan cahayo?

Ado lobih 50 buah kendoraan eksiden.. tp tak tau boto ko tidak.. sobab eden baco suratkabo ajo. Tp apo yang eden terpikir.. camno bleh jadik sampai camtuh? Lajunyo dorang bawak keto.. kalu susun 50 buah keto.. jaraknyo jauh jugak. Kalu yang 1st eksiden dokek dopan.. yang ke 50 tuh.. buto ke apo tak nampok ado eksiden dokek dopan.. laie mau bawak laju.. ko ekauorang pun nak masuk paper? 

 

Tp.. apo kono 'banjir cahaya' dongan entry melopaihkan tonsan eden nih? Haa.. persamaannyo adalah tonsan itu berlaku dongan kelajuan cahayo.. kelajuan kelipan mato.. tanpo sodar semuonyo dah berlaku.. tonsan kemain eden. Nak buek camno jang oii... dah ekau tuh jenih ado tonek.. musti la ekau egos tinggi melambus.. bilo ekau egos.. ekau tidok sodar yang ekau sudah melanggar janji ekau yang ekau ciptokan saat kemanisan madu itu ekau raso. Bilo madu dah bertukor menjadi hempedu.. baru ekau sodar akan pahitnyo dokek lidah ekau.. dokek tokak ekau.. maso tuh baru ekau takmoh laie nak tolan.. maso tuh baru ekau raso susahnyo nak menolan akan kepahitan hempedu yang ekau rasai tuh.. posanan eden pado ekau.. baik ekau goreng dolu hempedu tuh... ekau campur dongan kacang dal.. ekau sumbat dalam roti nan.. ekau suapkan ke mulut dan ekau torus tolan ajo.. haaa... hempedu akan menjadik hampas2 yang tidak bersisa laie di saat ekau berteleku di bilik berbayar 20sen.. ohh.. masyuknyo saat indah ini... jiko hadas ekau itu lawas..

 

Ekau tau ko eden tongah tonsan?? Ekau amik tau ko?? Ekau pedulikan ko? Ekau tau ko eden tongah sakit skang ni? Sakit segalo makniko macam sakit.. kiro sendiri la dokek atas tuh.. berapo banyok sakit yang eden alami.. sampaikan pankreas eden pun turut teraniayo.. tp sesakit eden.. Alhamdulillah, eden blom laie terlantar di pembaringan.. masih laie dapat bertenggek lesu di kaki empat bangku plastik sambil tangan dok klepek di keyboard.. mato makin merah garo2 tido hanyo duo jam ajo.. mato mano bulih tutop kalu diri di lando ketonsanan..

 

Dah dah.. apo eden mengarut nih... takpo la.. eden ajo yang paham kot.. kalu korang paham maksud tersirat eden dongan ayat beritalian tuh.. eden yang bertuah la.. sobab ado kawan yang bleh memahami ati eden di kalo eden ketonsanan keseorangan di kamar 20sen...

 

Sebonarnyo eden nak naip entry tontang tournament bowling bebudak Utm siang tadik.. tp di sobabkan tensen.. ilang mood tuh.. timbul mood tonsan.. mood kamar 20sen.. mood kahakku masih likat.. akhirnyo tontang tournament tuh eden cubo tangguhkan keesokkan hari.. agar kembalinyo mood Tongkat Ali Power Root..