Jalan2 Cari Idea.. Jumpo?
Ya.. eden tak jumpo pun ideo.. walau kekadang ideo tuh banyok sangat nak type tp bilo maso nak type.. ado sajo masalah yang datang.. Apo nak dikato.. begitu la adonyo kisah sang duko nestapo.. ibarat pungguk rindukan bulan. Bilo bulan jauh.. merindu la yo.. tp bilo bulan dokek.. ekau buek masaloh yang ekau janji dah taknok buek laie.. ekau bersumpah atas namaNYA ekau akan berusaha taknok buek laie.. tp ekau langgar sumpah itu.. Apo itu? Sumpah pocong pun pantang untuk dilanggar.. inikan pulak sumpah atas namaNYA... nasi sudah menjadi bubur, mee sudah menjadi maggi kari.. terlajak kereta bleh di undur.. terlajak laku tanggung sendiri. Bilo dah tuo baru ekau nak berubah.. mako kono la amik maso yang panjang berjela2.. itu la eden kobarkan duluan.. ekau taknok dongar.. Orang tuo dah kato.. "Melontur buluh bior dari robungnyo".. ini tidak.. ekau nak lontur buluh yang dah ado ruasnyo tuh.. nak lontur pun takdo guno.. baik ekau amik ajo buluh tuh buek jolok buah cempodak di luar pagar.. baru la orang kato ekau budak baru belaja.. kalu salah tolong tunjukkan.! Ado paham wahai makhluk TUHAN?
Kebosanan tahap tenuk takdo muncung.. mato tak ngantok.. idung plak ponuh dongan ingus.. tp lom sampai tahap meleleh laie.. Seb baik la ari nih makin berkurangan skit selsemo eden nih. Ini adolah borkat rajin makan ubat. Bilo dah bosan.. eden nak buek apo? Apo laie.. eden pun merayau2 di alam maya ini.. pertamonyo eden merayau2 ke seluruh weblog yang ado dalam list eden.. hanyo sekadar menjengah dan memerhati ceritera terbaru dari kengkawan.. sambil meninggalkan jojak bertanyo kobar. Lopaih tuh eden nengok ajo ado link2 dokek weblog sesapo.. eden klik ajo.. lopaih selongkar apo yang patut.. kalu raso nak jengah laie.. eden bookmark kan web tersobut. Sambil2 merayau di alam maya nih.. eden pun layan la online Pool dokek Yahoo Games. Sonok la jugak melayan Pool tuh time boring2..dah lamo dah eden main online nih.. bilo time bosan2 la.. takdo kojo la katakan.. apotah laie eden nih kaki snooker..
Erm.. apo yang korang buek time bosan2 bilo berado di alam maya nih? Kongsi ngan eden skit.. kalu ado website yang menarik ko.. cadangan yang menarik ko untuk ilangkan bosan time berado di alam maya..
Tongah sodap eden dok merayau2 di alam maya nih... tibo2 ado masalah pado internet connection eden.. isk.. apo kono plak nih? Eden ingat dah kono sokat dah line Streamyx nih.. maklum la tak bayor duo bulan.. lambat bayor la. Erm.. check punyo check, ruponyo masalah pado modem nih ah.. dah takleh jadik Router. Dongan berpandukan pado satu site nih.. eden cubo selosaikan masalah yang eden hadapi nih.. dongan menjadikan modem ZXDSL nih sebagai Router.. takdo la eden nak kono connect setiap kali bukak pc.. sobab modem dah connectkan ke internet.. so.. leh terus online la.. Ala.. 24 hours pun samo jo kan bayarannyo.. apo eden nak risokan?
Oh yer... eden tekojut skit ajo.. bilo nak update entry kali nih.. Blogger dah berubah wajah dokek tompek create new post... dah makin friendly ek skang.. baguh btol la Blogger nih.. ado peningkatan. Setiap bulan eden nengok ado ajo yang berubah dokek Blogger nih.. Di harap Blogger dapek meneruskan pengupgradan agar makin canggih manggih gitu... tp camno la agaknyo Blogger dapek income ek?
0 comment:
Post a Comment