1001 MaLaM

 

Nok dikato eden tonsan laie today.. rasonyo bulih la dikiro jugok la.. tonsan ado banyok macam tonsan.. samo jugok mcm ikan tongsan la.. ado ko eden yang dok bawah tanggo nak bersihkan sampah sarap [rujuk entry sebelum ni] tuh disalahkan? humang aih.. nih eden angin melintang patah nih.. sesodap raso ajo nak soh eden mengalah dolu kerano eden cubo utk memborsihkan 'laman' sekitar yang dolunyo 'kotor' tak berjago.. dah lamo eden cubo borsihkan tp susah... tak borsih2 jugok.. nak kono panggil majlis bandaran ko? Takkan sampai ke tahap itu nak kono buek sodangkan sampah tuh berado dokek laman eden sendiri.. nak tak nak eden kono jugok la borsihkan.. kalu tak borsih.. orang akan kato eden nih tak bertanggung jawab.. apo guna ado 'laman' yang luas kalu tak borsih? btol ke tidok ah? Apohal pun kito lupokan dolu pasal tonsan dan pasal 'laman' tuh.. ado laie bondo yang ponting yang harus ekau buek jang..!!! Boie kobau makan!!! 

Kono naik ke KL?

 
Tongah eden dok buek kojo potang tadik.. tetiba Area Manager, En. Zainal call dokek opis..  dio nok cakap dongan eden. Alamak.. apokonbo eh jang.? Memulo dio tanyo pasal jadual eden hari Rabu nih.. eden bitau la yang eden off day pado Rabu nih.. eden ingatkan dio nok ajak eden naik KL utk main bowling laie.. tp rupo2nyo dio boie tau samo eden.. hari Rabu nih ado interview dokek Wisma KFC. Interview utk jawatan Assistant Restoran Manager Trainning (ARMT) bagi rangkaian Restoran Rasa Ayamas. Dolu dio dah janji dongan eden.. kalu ado interview dio akan boie tau samo eden awal2 dan akan bagik tips2. Dio akan tulun setakat dio terdayo la.. lopaih ajo dio call.. dalam hati eden gembiro jugok tp eden dalam dilema skang.. tak tau la samado eden nak poie ke tak interview tuh.. maklum la kojo dokek fastfood nih walaupun pangkat Manager, tak berbaloi gajinyo dongan kojo yang dibuek.. lagi satu hal, kojo fastfood nih takdo life.. orang lain cuti hari Sabtu dan Ahad.. tp dokek fastfood mana leh sonang2 hati nak cuti pado hari Sabtu ataupun Ahad.. apotah laie pado cuti2 am ataupun pado Hari Rayo.. tuh yang eden pikir panjang tuh. Tp dongar nasihat kwn2, dorang bagitau.. poie la dulu dan try dulu.. sambil2 tuh carik la kojo dokek gomen...
 
Actually.. eden sebonarnyo masih laie dok tunggu panggilan jawapan kepado interview eden dokek Jabatan Pegawai Keselamatan Kerajaan Mesia tempohari.. sampai skang dorang tak panggil2 laie calon2 yang dorang interview ari tuh.. eden mmg berharap sangat dapat kojo dokek situ.. sbb dokek situ korang pepaham la.. kojo gomen nih kan banyak kelobihan. Pastu plak yang buek eden excited gilos nak kojo dokek situ sobab kojonyo banyok kono out-station.. walaupun hanyo dokek dalam Johor ajo. Eden mmg suko kojo yang kuar merato-rato tompek.. dapat eden tambah kawan ramai2 satu hal.. dan bak kato orang tuo2.. "banyak berjalan, bertambah pengalaman"...atau "jauh berjalan, luas pengalaman"... ah.. malas nak cito ah pasal kojo gomen nih.. kalu ado rozoki.. dapek la eden jawatan tuh.. kalu takdo rozoki laie.. eden kono la terimo dongan hati yang redho.. dah Tuhan bolum nak boie laie kan.. tp kalu usaho dokek mano2 pun.. samo ajo.. rozoki yang di beri totap halal dan datang sumer daripadaNYO...
 
So.. mungkin eden takkan update blog dalam duo tigo hari nih sobab eden dokek KL.. so.. orang dokek KL tuh.. nantikan eden yo.. itupun kalu eden sompek nak jenjalan dokek sano.. apotah laie nak meraso orang dokek sano bawak jalan2 poie belanjo eden makan.. amcam??
Entry nih eden tuju dokek Bro Petz...and the gang!!.. Amcam bro?? Eden takleh janji laie.. sbb eden sampai dokek KL malam Rabu dan pepagi Rabu kono attend interview tuh dokek Wisma KFC dan mungkin potang tuh dah kono bertolak balik ke JB.. isk.. cam tak sompek ajo nok jumpo ekau orang sumer kan wahai warga kota..!