1001 MaLaM

Bunga dari akak den



prezen dari Ahmoi..



"sin chan" dari Aleeya

Ari nih merupokan hari yang paling gembira buat diri den.. maklum la den tunggu hampir 5 tahun utk sampai ke hari yang ponuh bersejarah nih. Mako ari nih berlangsung la Majlis Konvokesyen UTM ke 33 di Dewan Sultan Iskandar, UTM untuk sesi ke-4 pado pagi nih.

Pepagi laie den kono ado dah dokek sano utk register dan selopaih register namo, terus beratur utk masuk ke dewan.. dokek sini teraso banggo pado diri sendiri walaupun lamo sangat berusaho hanyo utk mendapatkan secebis diploma sahajo tp den tak ponah raso putus aso.. berkat dari dorongan family dan kengkawan dan jugak ahmoi. Yo lar.. dolu ponah sekali terdetik dokek hati den utk berputus aso dalam berusaho utk menghabiskan pelajaran den nih tp mereka semuo memberikan den semangat utk teruskan juo perjuangan yang akhirnyo membawo eden berado bersamo barisan graduan lain pado hari nih. I'm proud to be myself..!

Den dapek bungo warno pink lokat dokek dado belah kiri.. den ngan roomate den dolu2 tuh jo yang dapek bungo tuh sobabnyo kitowang yang mengetuai barisan utk setiap course. Den mengetuai barisan bagi graduan Diploma Sains Komputer dan roomate den tuh mengetuai barisan bagi graduan Ijazah Sarjana Muda Sains Komputer.

Majlis tamat awal lebih kurang kol 11am.. kuar jo dewan ramai nak mampos manusio bersosak2. Den poie jumpo family den dan bersalaman tando ucapan timo kasih den dokek mereko. Lopaih tuh sesi fotografi pun berlangsung.. nak nengok pic yo? kalu nak nengok meh kita jenguk ke Gallery sejenak. Haa.. dokek atas tuh plak adolah hadiah yang den dapek sempeno konvo nih. Thanx kepado mereko yang memberikan hadioh pado den.. den akan simpan sampai ke tuo..

Then.. den bawak lak family den poie lunch dokek Rasa Ayamas Jusco, tompek den kojo. Apo laie.. den order sakan sbb den dapek diskaun punyo la.. Sajo jo bawak dorang makan kat situ sambil2 nak tunjuk tompek kojo den kat parent den. Den snap klik jugak dokek sano.. nak nengok gak jengok la dokek gallery den yo..

Potang nih den antor family den separuh jalan jo dan dorang pun bertolak la balik ke Kuantan, umah abg den. Lopaih tuh esoknyo baru la dorang akan bertolak balik ke Tanah Merah, Kelantan.