1001 MaLaM

Pagi2 laie den dapat calling dari sorang kawan yang dah lamo den konal tp tak ponah pun bersuo muko dongan beliau. Maso beliau call, den tongah dok bersiap sobab dah janji dongan beliau ari tuh laie.. jadik lopaih jo beliau call, den terus turun dari umah menuju ke kampus UTM utk amik beliau. Den sampai dokek blok beliau terus den miscall..

Beliau kuar dari blok menuju ke keto den..Humang aih... ganaihnyo kawan den nih walaupun den mmg dah tau beliau nih mmg jenis ganaih.. lagak jalannyo macam kaum sejenis den.. tp yang pastinya beliau bertudung. Btol ke ini kawan den yang selalu dok berbual ngan den nih? Patut la beliau kata yang beliau nih ganaih.. hehe.. salute sama beliau..

Yer.. yer.. sireh.. sireh telah pulang ke ganggang.. pulang ke bumi UTM untuk menyambut majlis konvo kengkawan beliau terutamo akak angkat beliau. Di kesempatan itu juo la beliau mintak den tomankan beliau untuk poie memboli barang seketul duo prezen utk akaknyo dan jugok utk diri beliau sendiri. Tp malangnyo den tak dapek nak poie jalan2 jauh sangat disobabkan keta plak kawan nak guno dan family den pun akan sampai potang nih.. jadik den hanyo bawak beliau menuju ke Jusco shj.. harap beliau paham situasi eden dan den mintak maap pado beliau sobab tak dapek poie C.S or Angsana.. den tau beliau akan baco blog den nih.. tak gitu cik sireh?

Kedatangan Kuargo Eden

Family den sampai dokek Skudai potang nih lobih kurang kol 6pm.. terlajak sampai ke Skudai Parade, terpakso la den poie jomput dokek sano. Terus menuju ke umah cousin den dokek Taman Universiti.

Eden tinggalkan dolu kuargo den dokek umah cousin den sobab den nak balik antor keta member nak pakai. Pastu den amik ahmoi jap sbb ahmoi ajak nak poie pesta konvo jap potang nih. So, den bawak ahmoi jalan2 sat dokek pesta konvo. ingatkan nak boli kasut dokek situ.. tp takdo saiz la plak..yang ado saiz 6 ke atas jo.. sdgkan den pakai saiz 5 setengah gitu.. tak jadi boli pepe.. so, den poie antokan ahmoi semula dokek tmpt kojonyo.

Malam nih den bawak kuargo den poie jalan-jalan carik makan dokek Singgah Selalu. Cousin den pun join samo la sobab dah kuargo den numpang dokek umah beliau. So, lepak dokek situ isi perut dan den bawak lak dorang sumer pusing Bandaraya JB.. Ingatkan nak bawak poie ke Danga Bay tp ontah macam pesta apokobondo eh dokek sano den pun tak tau.. skit punyo ramai manusio dan parking pun nampak penuh.. di sobabkan malas nak bersesak2, den terus jo bawak dorang balik.. sobab kan sok nak kono bangun pagi2..

Dokek umah den nih plak ado kuargo member den dari Sandakan,Sabah dan satu laie kuargo dari Lenggong, Perak datang numpang dokek sini.. so, ado bilik kosong banyak.. bebudak umah den mmg suko tido dokek ruang tamu dopan tv jo.. so, ramai gak bekas hosmate and classmate den yang konvo esok.. sumonyo jenis yang extend punyo. hahaha...