1001 MaLaM

Ahmoi cuti ari nih.. tp den kono kojo shift pagi.. jadiknyo ahmoi dah janji nak kuor jalan-jalan dokek bandor ari nih.. tp staff lak tak cukup. Nak tak nak den berkeras takmoh extend laie maso kojo sbb bukan selalu dapek kuar ngan ahmoi. Hanyo den extendkan 2 jam ajo sampai kol 5 potang jo.

Amik ahmoi dokek umah dio, Huyoo ahmoi luruskan rambut. "awak buat teknik rebonding ya??" den golakkan ahmoi sobab lamo dah tak nengok rambut ahmoi lurus camtu, ado la dokek 2 tahun dah tak nengok..lopaih tuh den start enjin keto dan terus menuju ke arah bandorayo.

Den poie kali nih minjam keto member den. Mano laie kalu tak menuju hanyo ke satu shopping mall yang tidak asing laie bagik masyarakat di sini iaitu City Square. Memulonyo plan nak poie carik kasut hitam utk den buek konvo nanti tp bilo naik dah tingkat 5 tuh.. nengok wayang la plak. Aduhai omak.. tak dapek den nak poie carik kasut.

Kitowang nengok citer yang mungkin dah basi kat pawagam.. citer Cat Woman.. lakonan Hally Berry tuh.. cam siol jerk si Berry tuh 'cat walk'. Mmg nampak gedik giler dongan goyangan punggungnyo.. bilo den cakap.. " Huyoo, cantiknyo bontot ngan tetek Berry nih..".. mulo la si ahmoi menjeling sakan pado eden.. sambil mendengus. Terdongar bunyi dari mulut ahmoi.. "miang!"..

Balik dari C.S, den drive menuju ke area bubur nasi special dokek area 'China Town', JB.. haha.. sapo dok dokek JB, dorang tau la dokek mano itu 'China Town'. Lopaih jo makan dokek situ.. kejadian haru mulo menerpa gara-gara den bermain msg dongan sorang kawan. dan ahmoi mulo bengang sbb tak dgr apo dio bercakap dongan den. tang tuh jugok la ribut topan mulo melando.. angin den pun tak menentu.. suhu mendadak naik ke 120 degrees.. mulo memenuhi ruang otak den yang mmg dah tongah sakit maso dalam pawagam tadik laie..

Ah sudah.. camno nih? Gilo den sudah datang... den drive jo keto tuh cam nak racing.. sampai si ahmoi menjerit ketakutan...

Lopaih jo tonsan.. den lepak minum air.. minum air.. minum air.. last2 sejuk dah. Seb baik suhu mulai turun sehingga ke paras takat cair. Kalu takat didih tadik.. jgn sesapo carik pasal.. kang naik kusi atas palo kang..