1001 MaLaM

Iyo, den mmg takdo kobon, sawoh pun ado sebidang ajo.. itupun diupahnyo orang utk usohokan.. tiap tahun dapek la seciput. Skolah tinggi2 takkan ke sawah doo, bak kato Ujang pado omaknyo.. tp eden tidak pulo mengatokan begitu pado omak den.. dah berguni rasonyo hasil titik peluh orang tuo ditaburkan untuk eden selamo membosarkan den sampai la skarang, tp blom jugok tibo maso untuk eden taburkan pulok berlori2 hasil titik peluh ini utk mereko berduo. Teraso juo malu tp apakan dayo.. diri ini sudah mencubo, mungkin blom dibuko pintu rezki yang lain2nyo..

Ramai konalan den yang lamo bertanyo khabar tontang diri ini dan menyentuh tontang kehidupan den sekarang. Dan paling utamo adolah bertanyo tontang kerjayo selopaih mereko tahu den sudah pun dibebaskan dari belenggu universitas. Malu juo den dongan mereko yang kini ado sudah bergaji bosar.. sudah berkereto.. tentu juo ado yang sudah membino mahligai impian bersamo impiananyo dan setiap malam tujuh likur pasti berperang membunuh yahudi [ hehe, OP tau ayat nih! ] dan mungkin juo ado yg dah bergelar 'penjago' kepado si kecik molek.

Pado konalan den dokek alam maya mahupun dokek mano sajo ekorang berado.. den nak kobarkan ajo tontang kerjayo den sekarang nih. Takdo la nanti ado yang kato den tak kobarkan plak. Ok?

Haa.. selopaih jo abis boie makan kobau dokek universitas, dah siap pakai jubah itam tanpa bornet.. den memulokan kerjayo dokek company IT milik sedaro terdokek den.. sebelum den pakai jubah laie beliau dah tawarkan kojo tuh.. so, den acceptkan ajo la.. maklum la menepati skop pembelajaran den juo selamo nih.. company nih di daftarkan awal tahun 2004 nih dan di beri namo ZNN Technology Centre. Jadik dokek sini my cousin is a Managing Director la.. dan beliau melantik den sebagai Coordinator dokek company nih. Tp sebagai company yang baru di tubuhkan.. tak ramai pekerjo yang ado dokek sini.. den juo la yang merangkap Technician dan juo merangkap Marketing Executive. Dokek sini ado 7 orang termasuk den dan sedara den tuh..sorang as a System Analyst, 3 orang adalah Programmer dan sorang laie adalah Designer yang berpengalaman. Tp dokek opis hanyo den sorang jo dok tercongok ngadap Pc sbb yang lain2nyo berado di luar kawasan liputan.

Ok.. flashback balik, sebelum den naik pontas ari tuh.. ramai yang dah tau den jadik 'bapak ayam' yang memasarkan 'ayam-ayam' segar dari ladang.. di hidang penuh selero di premis tompek den menjalankan bisnis itu.

Oit.. oit.. jgn pikir bukan2 dolu... ini bisnis 'ayam-ayam' halal dari segi undang-undang civil mahupun undang-undang syariah islamiah.. takdo sapo melarang untuk menjalankan bisnis 'ayam' ini walaupun keadaan wabak 'bird flu' melando dokek negaro nih.

Ni hah.. den buek part time dokek Raso Ayamas Restaurant sejak dari bulan April laie.. dan sampai skang lom bonti2 laie. So, maknonyo skang den mencari rezki dongan duo kojo la skang nih [tp tak kaya2 gak]. Sapo2 yang meraso ingin menikmati kesegaran 'ayam-ayam' montok dari ladang.. leh la contact den dolu.. leh dapat special prices bagik kelas atasan mahupun kelas bawahan tanah.
Ok.. info ini khusus utk mereko yang blom tau dan tak amik tau la.. yang dah tau dan yang dah ponah meraso kesogaran 'ayam' ternakan den.. mau mencubo laie ?? Silakan sementaro stok masih ado[sblm den bonti kojo].

WAIT a minutes!! Dokek sini den nak sampaikan salam dokek semuo kengkawan lamo den samado mereko masih ingat siapo diri den ataupun samado mereko dah ilang ingatan. Pado kawan yang dah kayo rayo, pado kawan yang masih dalam belengguan universitas, pado kawan yang dah ado anak pinak.. pado kawan yang dah bleh start 'bunuh yahudi' dan pado semuo kengkawan alam maya or kengkawan blogging yang baru konal or dah lamo konal.. semoga kalian mengingati eden di dalam doa yang dipanjatkan ke hadrat yang SATU. Doakan la kejayaan den pado suatu hari nanti moga2 dapek den membalas sejuto jaso yang diberi oleh pasangan Sulaiman dan Siti Zahrah. Aminn...!!