10.3.08

Touch & Go?

Dimano ilang ese punyo kad Touch & Go?
Kad itu ilang ghaib sekelip mato ajo.
Nasib siang tadi semaso ese memecut laju di Plus,
awal-awal menggagau mencari kad.
Hilang?
Copek-copek tukor lane dari lane T&G ke lane Cash&Carry.
Kalau terlajak masuk lane T&G, jonuh nak kono reverse.
Kalu takdo kereto takpo, dibueknyo kereto berderet belakang?

Ontah mano ilang. Toyol kot curik. Masih ado dalam belasan ringgit.
Ese tahu lah Sammy Vellu dah kono berdiri ( takdo kerusi ).
Tapi tol totap kono bayar. Jadi jangan la ekau poie menghilangkan diri.
Tunggu pemerintahan ditukar, kot2 kalu tol tak kono bayar.
Mungkin kad Touch&Go tak berguno laie dah zaman tu.
( di Lebuhrayo lah, dokek parking, lrt dan lain2 masih berguno )

2 comment:

rasso said...

tunggu ese jadi menteri kabinet jalanraya... ese kasi tol mansuh :p

hepi?

AyAres said...

parti PUNDAK tak monang..camno ekau nak jadi montori kabinet janggg oiii

Post a Comment

Related Posts with Thumbnails