1001 MaLaM

• Setongah Hari Setongah Malam

Start dari pukol tongahari sampai pukol sonjo... masih jugak belom pueh hati dongan keadaan bilik..walaupun dah borsih, tp susun aturnyo kelihatan merapu kepunden sungguh. Makin sompit den raso eh.. ahh, dah berojam den komeh bilik.. len kali la plak..badan dah ponek dah, makan bolom laie.

Toman hosmate poie bukak poso.. tapi den tak poso. Sobab den malaih nak poso. Menu ari nih.. nasi puteh dongan tomyam campur, tolor dadar dan kailan ikan masin. Airnyo.. den order Jus Manggo Blended.

Amik Ahmoi.. poie bandor. Takdo movie menarik di Mega Pavillion. Jadik pusing-pusing ajo la. Nak poie carik buku dokek Komtar.. tp kodai Badan Cemerlang dah tutup. Terlupo yang kodai dokek Komtar tutup awal.. kol 9 dah siap nak tarik shuttle.

Pusing balik.. poie carik buku dokek C.S ajo la. Terminat dongan satu buku Dr. Fadhilah Kamsah, tapi dalam wallet plak tak cukup duit. Tangguhkan dolu la jang yoo... Jadik duit cumo cukup utk boli buku Dik Cerdas. haha.. den sambar volume 12.

Singgah dokek Singgah Selalu.. walau perut dah di isi..raso lapor laie. Order satay ayam dan kepak ayam. Waa..menu eden malam nih ayam-ayaman. Cumo order air Longan ajo. Perut dah buncit raso malaih nok bangun...

Tunggang kudo jantan balik.. kono balik awal sobab nak baiki pc. Garo-garo modem punyo pasal.. ontah napo takleh nak setup router untuk jadikan auto-connect. Alih-alih apo laie.. buangkan semuo dan setup semula.. abis cerito yo dak?

Pepatah Melayu :
Sepuluh bintang bertabur bolehkah sama dengan bulan yang satu.