1001 MaLaM

Sojak semalam laie.
Bilo makan kerepek pisang.
Ado garam.
Raso podih yg amat.

Bangun pagi. Dah makin membosar.
Nak gosok gigi. Ya amat podihnyo.
Raso nak gigit-gigit yo.

Ese belek. Tilik dokek cermin sakti.
Humang aih. Dah ado duo bijik.
Mato ikan dokek bibir.
Kalu Doc cakap, ia ulser mulut.

Ulser ni. Kalau tak lotak ubat copek-copek.
Makin beranak pinak jadinyo.
Macam ado virus yo.
Bukan macam bibir pocah tergigit atau kono tumbok.
Tapi ulser ni semacam penyakit.
Kadang ulser bilo merebak, boleh buat orang jadi domam wo.
Macam sakit gigi jugak ponangannyo.

Adush. Terjuih mulut ese.
Balasan dunio barangkali.
Kadang Allah bagi sakit.
Untuk kito ingat dokek Dio.
Tu maknonyo Dio masih sayangkan kito.
Masih beri laie peringatan.