1001 MaLaM

Balik ghayo biasonyo ese memang drive sensorang.
Orang bolom ado bini laie la katokan.
Kalu drive memang ese akan ikut route kebiasoan.
Skudai-Segamat-Muadzam Shah-Kuantan
Dan masuk ke Lebuhraya Pantai Timur menuju ke simpang Jabor.
Jabor-Kuala Berang-Setiu-Jerteh-Pasir Puteh-Machang-Tanah Merah.

Kalu drive sensorang, memang boring.
Ese akan bertolak selopeh subuh.
Jalan siang mato taklah mengantok sangat.
Sekali sekalo ese henjut jugak si Jaisi ni.
Melayan kerenah manusio dokek jalanan.
Ado yang sajo yo nak nunjuk dorang laie power.
Mencilok sano sini dan memotong double line.
Sampaikan membahayokan nyawo orang lain.

Time jammed biasonyo dokek jalan Jabor.
Orang dari Barat akan bertembung dongan orang dari Selatan.
Keduo-duonyo nak menuju ke pantai timur.
Samado ke Terengganu ataupun Kelantan.
Tapi kalau cuti ghayo memang dapek cuti awal macam tahun ini.
Jalan ghayo pun taklah sosak bonar.
Orang ramai dah pandai merancang untuk pulang ke kampong.

Kalau drive sambil layan perasaan.
Ese biasonyo akan ambil maso selamo 12 jam.
Tapi kalau drive main henjut Jaisi ikut sedap yo.
Akan ambil maso sekitar 10 jam.

Dan kalau drive tak ingat orang tersayang.
Akan ambil maso 8 jam yo.
Tapi takat ini ese bolom laie buek 8 jam.
Sobab biasonyo ese akan berenti beberapo tompek.
Untuk isi minyak dan buang air.

Dan akan menyambung kembali perjalanan.
Seorang diri.