1001 MaLaM

Ramadhan dah kunjung tibo.
Ese sambut 1st Ramadhan dokek kampong.
Meghaso masakan omak.
Memang menyelerokan sungguh.

Selalu ese makan sepinggan nasi yo.
Susah nak abis. Dah ghaso konyang.
Tak lalu makan lah. Macam-macam.

Tapi bilo kono yo masakan omak.
Makan pun bertambah.
Kono dongan gulai pucuk paku kegomaran.
Dan ikan keli goreng. Ulam rajo dongan cili padi hiris kecil.
Lopeh tu ado pulak ikan gelamo kering.
Fuh. Boleh kecur air liur ese yang sodang menaip nih.

Omak membebel lopeh berbuko.
Ese tak poie semayang terawikh.
Sibuk dan kusyuk sangat dok melayan anak buah.

Iyo lah kan. Ese ni dah la jarang balik.
Sekali sekalo balik. Ese nak lopehkan la rindu dokek anak buah ese ni.
Sampaikan ado orang jeles ese sibuk melayan anak buah. Muahahaha.