Ghayo ketigo, abang ese kawin laie.
Buat kali keduo dalam idup dio.
Abang ese ni dudo anak ompek.
Hasil dari perkahwinan lalu.

Umur pun dah lewat 30an dah.
Ese dapek kakok ipar mudo laie.
Baru umor 21 tahun yo.
Samo bayo dongan adik ese yang bongsu.
Kakak ipar baru ni lawa pulak tu.
Secocok ngan ese yo.

Ese macam biaso lah.
Kalau ado kenduri kendaro dokek kampong.
Ese lah tukang ambik gambar.
Orang kampong pun dah tau ese ni kojo jurugambar.
Tapi yang tak tahan kono perli yo dongan sedaro maro.

“Gamba ni bilo siap? Tahun dopan kor?”

Maklum lah. Ese kalau yo ambik gambar ghayo kor, gambar sedaro kor.
Memang lambek bonar nak siap.
Dok sibuk siapkan gambar client lain dolu.

Meriah tak meriah mano lah kenduri abang ese.
Maklum lah majlis kecilan yo.
Tapi sedaro yang turut serto berarak sikit punyo ramai.
Ado lah dokek 80 orang gitu ghasonyo aih.
Dalam 15 buah kereto ado lah yang poie.
Kebotulan lah kan time ghayo cam gini.
Ramai bonar sedaro yang ado.

5 comment:

MuScLEgAiN said...

adui ai gondok bonar tue bang...
awk tue boli nak menikah... tggu jggut panjang ko... huhuhu... kalu den nikah bleh den paggil ko amik gambar ... musti ki nie terer amik gamba...

AyAres said...

takdoklah teror mano... kalu nak tgk hasil kojo...masuk lah website capturepixs studio tu..

Princess Liyana said...

huhu..nasib badan..photographer,ttp photographer;)kan?

filanastasia said...

mr ayares : sila tahan perasaan anda.. dah jadi kakak ipar tuh.. hahaha.. copek copek ler siapkan.. nak gak nengok muka kakak ipar yg comei tu...

S h i n O said...

kawe dokde nak gi aritu maso demo msg. Jale jem capor denge abe kwe pon tune..

Post a Comment

Related Posts with Thumbnails