20.10.08

Pengasih

Tok Wan Kadir.
Bomoh terkonal dokek kampong ese.
Jarak rumah cumo sepelaung.
Rumah beliau tompek ese main-main zaman kocik dolu.
Bersamo anak beliau.

Dolu. Maso ese sekolah rondah.
Sambil lepak sambil ese tengok orang datang berubat.
Yang datang bukan orang kampong ese.
Tapi semuo dari luar. Malah ado dari KL mahupun Kodah.
Oh ya. Tok Wan Kadir asal usulnyo dari Kodah.

Kato beliau.

"Kalau nak minyak pengasih, Tok Wan boleh bagi."
"Tapi kono tunggu dah bosar nanti lah. Bilo dah ready nak kawin."
"Minyak pengasih ni tak bulih buat main-main."
"Kalau boto-boto nak kawin dongan orang tu baru gunokan."
"Kalau nak main-main, buruk padahnyo."

Tok Wan Kadir berseloroh dongan ese.
Sambil tunjuk satu botol kocik yo. Mengandungi cecair berwarno kuning.
Terdapat semacam akar kocik di dalam botol tersebut.
Wangi baunyo. Macam minyak atar lobih kurang.
Ontah-ontah digunokan minyak atar untuk buek minyak pengasih.
Itu ese tak tanyo dan tak selidik.

Sapo-sapo yang sentiaso rindu dokek ese tu.
Adakah kalian dah kono minyak pengasih ese?

5 comment:

S h i n o said...

owh minyok pengasih toww..
kalu lesek sikit, siang malam
terkenang-kenang..

Jgn saloh lesek.. silap2
keno bini org..

AyAres said...

bini orang bahayo woooo... mapuh kalu keno tembak nga tok laki dio..

kalu 'GEWE ORANG'... takpo lagi..
bulih gok berebut2... hahahahhaa

filanastasia said...

mr ayares : miyak pengasih??? apakah??? huhuhuu

Ecah said...

uik da men minyak plak pakcik ni..
awatnyo ado yg berkonan ko?

AyAres said...

myk2 tarak main.. tak gomar aih.. kurang gentle la itu macchammm..hehehehe

Post a Comment

Related Posts with Thumbnails