18.8.08

Awek Siam

Sebolah rumah ese.
Dokek kampong.
Ado sebuah rumah sewo.

Tinggalnyo sepasang suami isteri.
Berasal dari selatan Thai.
Dan seorang adik kepado pasangan tersebut.


Awek. Ya. Awek siam yang putih melepak.
Tinggi lampai. Ayu dan sopan santun orangnyo.
Belajar dokek sekolah arab tepi rumah ese.
Sekolah tu bagus. Terkonal sampai ke serato selatan Thai.

Kebotulan. Bilik tidor ese.
Ado mejo tulis dokek tingkap.
Mengadap botol-botol tingkap bilik awek siam.

Ado sekali ese tongah study dokek mejo.
Maso tu ese tingkatan tigo. Ingat-ingat lupo.
Awek siam tu ruponyo tongah skodeng ese.
Ikut tingkap cermin.

Sojak dari itu. Ese jadi rajin untuk study di mejo itu.

Awek siam itu. Pun suko datang membeli dokek kodai mak ese.
Ese perasan. Dio boli sikit-sikit.
Sekojap datang boli laie.

Ese taktau pun namo dio apo.
Dan tak ponah bertegor sapo.
Sampai lah awek siam tu abeh belajar dokek sekolah arab tu.

5 comment:

KEKASIH 'ATOK' said...

ish ish ish rugi rugi.. nama pon tak tahu nie... hehe

shinO サイフル said...

eh..silap2 awek siam tuh ah hok jupo di kampung..

Kawe dulu ado kenal sorang tino kelate tapi koya siam..hahaha kawe rse demo kenal.. :D

AyAres said...

koya siam? hahahahaa...
kenal kottt..

si tikus kampung said...

mano poiee awek tu sekarang yo?

spigot said...

apo kono ko jang?

Post a Comment

Related Posts with Thumbnails