1001 MaLaM

Ese hangin satu badan malam ni.
Bolum cukup laie 24 jam entri dokek bawah di tulis.
Sekali laie orang taji ese.
Dongan bondo yang samo.

Ese hilang sabar.
Sudah bertahun-tahun ese buang segalo panas baran ese.
Sudah bertahun-tahun ese belajar untuk membuang ego.
Tapi orang uji kesobaran ese.
Seolah bermain dongan bara api.

Kalau dolu. Tak puas ati yo.
Ese akan call orang tu.
Akan maki hamun dan membebel.
Kalau orang tu lotak ajo. Ese akan call dan call.
Sampai habis kredit.
Asal puas ati melopehkan amarah.
Tapi itu dolu-dolu.
Zaman mudo remajo.

Ontah la. Ese pun taktau dokek mano silapnyo laie sekarang ni.
Ese taktau kenapo apo yang ese ucapkan.
Sering diejek dan disalah ertikan.
Malah diperli kembali.
Seolah apo yang ese ucap.
Segalonyo salah di matonyo.
Segalonyo tak betul.
Segalonyo dongan sonang ati tuduh memacam dokek ese.
Seolah ese ini yang sengaja mencipto pergaduhan.

Hati mano tidak terguris.
Tatkalo niat ini suci murni.
Tapi di pandang serong bagai dibenci.

Hati mano tidak terkilan.
Kalau yang di ucapkan.
Disalah ertikan secaro terus.
Malah di pandang serong habisan.

Lantas. Harus bagaimano laie ese mahu memuaskan hati orang?

Arghh.. persetankan.
Janji ese tahu apo yang ese ucapkan.
Dan niat di hati ini, biar ese yang tahu.
Dan kamu. Lakukan lah laie.
Jiko itu yang buat kamu sering berpuas ati.
Dan merasokan itu perkaro yang membahgiokan idup kamu.

Terimo kasih daun keladi.